kovaimanam-கோவை மனம்

  கோவை மனம் 776.       எதிரிகளும், தோல்விகளும் கொண்டவனுக்கு அனுபவம் தானாக வருமே அன்றி ஆசிரியர் சொல்லி வருவதல்ல. கோவை மனம் 777.       வானத்தில் பறந்தாலும், தரையில் இறங்கவும் இருக்கவும் கற்றுக்கொள்.   சிறகுகள் இழந்தாலும் வருத்தம் கொள்ள மாட்டாய். கோவை மனம் 778.       விடியலில்தான் சேவல் கூவும் என்பதில்லை, பசித்தாலும் கூவும். கோவை மனம் 779.       மேகம், திங்களை மறைத்தாலும் ஒளிக்கதிர் உமிழ்வதில் மாற்றம் இருக்காது.   அதுபோல், அறமுடையார் வினைவயின் மறைந்திருந்தாலும் அறமுடையோர் அறமுடையோரே. கோவை மனம் 780.       அறமுடையோர் வினைப்பயனால் அவர் பொருட்டு தீவினை செய்தாலும், பிறர் பொருட்டு நல்வினையாக அமையும். கோவை மனம் 781.       ஆசை கொண்டவன் சவமாகவும், ஆசை அற்றவன் மனிதனாகவும் இருப்பான். கோவை மனம் 782.       தவறு செய்தவனை மன்னித்துவிடு.   ஆனால், துரோகம் செய்தவனை மன்னிக்காதே. கோவை மனம் 783.  ...

  கோவை மனம் 751.       மெய்யை மெய்யாக்கி, மனதை மணமாக்கு. கோவை மனம் 752.       தோல்வியின் விளிம்பில் கிடைத்த வெற்றி வரலாறாகும். கோவை மனம் 753.       மக்களால் ஏற்கப்பெற்ற எவையும், காலங் கடந்தும் வாழும். கோவை மனம் 754.       குற்றமுள்ள நெஞ்சு, உண்மையையும் பொய்யாகவே பார்க்கும். கோவை மனம் 755.       வறுமையையும் வளமாகப் பார்ப்பவன் மாமனிதன். கோவை மனம் 756.       இயல்பாகத் தோன்றும் படைப்பைவிட, அனுபவப் படைப்பே சாலச் சிறந்தது. கோவை மனம் 757.       படிப்பவனின் உணர்வை மதிக்கத் தெரிந்தவனே சிறந்த படைப்பாளி. கோவை   மனம் 758.      சொற்களுக்குள் அடங்காத அனுபவத்தை அனுபவித்தே உணர். கோவை மனம் 759.       செயற்பாட்டோடு கூடிய கவிஞனின் கவிதை நிலை கொள்ளும். கோவை மனம் 760.       பெரும்பான்மையோர் இரசிக்காத ஒன்றை இரசிப்பவனே கலைஞன். கோவை மனம் 76...

  கோவை மனம் 726.       ஒதுக்கப்படும் இடத்திலிருந்து, காரணம் கேட்காமல் நீயாக ஒதுங்கிவிடு. கோவை மனம் 727.       மருத்துவத்தைவிட ஆறுதலே சிறந்த மருந்து. கோவை மனம் 728.       நல்ல நட்பு, துன்பத்தைப் பாதியாகவும் இன்பத்தை இரட்டிப்பாகவும் ஆக்கும். கோவை மனம் 729.       நீ, கண்ணீரோடு கலங்கி நிற்கும் போதுதான் உன் எதிரில் இருப்பவர்கள் யார் என்று புரியும். கோவை மனம் 730.       துரோகம் ஒன்றே மன்னிக்க முடியாதது. கோவை மனம் 731.       தன்னுடைய   தேவை எது என்று அறியாதவனால் மட்டுமே பிறரின் தேவைகளை நிறைவேற்ற முடியும். கோவை மனம் 732.       தனது வாழ்க்கையில் மன நிறைவு கொள்ளாதவனே, பிறரின் குறைகளைக் கூறி பெருமை கொள்வான். கோவை மனம் 733.       உறவாடாத உறவுகளுடன் உறவு கொள்ளாதே. கோவை மனம் 734.       உரிமையே இருந்தாலும் மதிப்பில்லை என்றால் விலகுதல் சார்பு. கோவை மனம் ...

  கோவை மனம் 701.       எரிச்சலூட்டும் பேச்சானாலும் உற்றுப்பார் சிலவேணும் உண்மை இருக்கும். கோவை மனம் 702.       பார்வையின் கோணங்கள் மாறுபட்டாலும் அவற்றின் பிம்பங்கள் மாற்ற முடியாதவை. கோவை மனம் 703.       பிறப்பு உருவாக்கப்படுவது.   ஆனால், இறப்பு தவிர்க்க முடியாதது. கோவை மனம் 704.       தெரியாத தொழிலைச் செய்து இழப்படைவதை விட, தெரிந்த தொழிலில் இழப்படைந்தால் முன்னேற வழி பிறக்கும். கோவை மனம் 705.       மற்றவர்களை மகிழ்விக்க முடியாவிட்டாலும் அவர்களின் எண்ணங்களை அழிக்காதே. கோவை மனம் 706.       தன் குறைகளைச் சொல்வதற்குத் தகுந்தவர் இல்லாத போதுதான் தன்னையும் மீறிய சக்தி மீது நாட்டம் கொள்கிறான். கோவை மனம் 707.       மற்றவர் குறைகளைக் களையாவிட்டாலும், மிகுதிப்படுத்தாதே. கோவை மனம் 708.       சொல்வதெல்லாம் உண்மையல்ல, பார்ப்பதெல்லாம் நம்பத் தகுந்ததும் அல்ல. அனுபவிப்பதே உறுதியானது. ...

  கோவை மனம் 676.       காதலிக்குக் கொடுக்கும் அன்பும், தங்கைக்குக் கொடுக்கும் பாதுகாப்பும், தாய்க்குக் கொடுக்கும் மதிப்பும் மனைவிக்குக் கொடுத்துப் பார் அவளுடைய உன்னத அன்பு உன்னையே சுற்றி இருக்கும்.       கோவை மனம் 677.      ஏமாற்றுவதை விட தோற்றுப் போவதே சிறந்தது.              கோவை மனம் 678.       போட்டியும் பொறாமையும் போலிச் சிரிப்பும் நிறைந்த உலகத்தில் உனக்குத் துணையாக கடைசி வரை வருவது நீ பழுதறக் கற்ற கல்வியே. கோவை மனம் 679.      எதிரிகள் கொடுக்கும் வலியை விட உறவுகள் கொடுக்கும் வலியே கொடுமையானது. கோவை மனம் 680.      எல்லோரிடமும் உண்மையாக இருப்பவனுக்குத் தனிமையே நிரந்தரம். கோவை மனம் 681.      நம் உணர்வுகளை மதிக்காத உறவுகளை ஏற்காதே. கோவை மனம் 682.      நல்ல மனைவி அமைந்தால் வறுமையிலும் துன்பம் தெரியாது. கோவை மனம் 683.      நல்ல மனை...

  கோவை மனம் 651.       தொடர் பணியானாலும் முறைமாறினால் பணியாற்ற முடியாது. கோவை மனம் 652.       வளர்ந்த மரம் தனக்குக் கீழ் மற்றொரு மரத்தை வளர விடாது.   வளர்த்தால் அது போதி மரமாக இருக்கும். கோவை மனம் 653.       உலகம் வாழட்டும் என்பவன், தானும் இவ்வுலகத்தில் வாழுகின்றோம் என்பதை மறப்பதில்லை.   ஆனால், தான் மட்டும் வாழவேண்டும் என்று நினைப்பவன் உலகத்தவர் வாழ்க்கை பற்றிக் கவலைப்படுவதில்லை. கோவை மனம் 654.       எவனொருவன் ஒன்றைக் கேலி பேசுகின்றானோ அவனே அந்தக் கேலியின் உட்பொருளாய் இருப்பான் என்பதை மனதில் கொள். கோவை மனம் 655.       பிறர் குற்றத்திற்குத் தண்டனை ஏற்பவன் வாழ்க்கையில் உயர்வான்.   தன் குற்றத்தைப் பிறருக்கு வழங்குபவன் வாழ்க்கையில் தாழ்வான். கோவை மனம் 656.       உயிரைவிட உணர்வு முக்கியம். கோவை மனம் 657.       இழந்தவனுக்கே இழப்பின் வலி தெரியும். கோவை மனம் 658.     ...

  கோவை மனம் 626.       உணர்ச்சிக்கு முதலிடம் கொடுக்காமல் உழைப்புக்கு முதலிடம் கொடு. வாழ்க்கை உன்னுடையதாக இருக்கும். கோவை மனம் 627.      போலியான வாழ்க்கைக்குக் கிடைக்கும் பரிசும் பாராட்டும் நிலையற்றவை. கோவை மனம் 628.      வெற்றி அடையும் முன் கொண்டாடாதே.  அது ஒரு சிறு நொடிப்பொழுதில் உன் வாழ்க்கையை மாற்றும். கோவை மனம் 629.      தேவையற்றவற்றை  மறந்து போவதும் கடந்து செல்வதுமாக இருந்தாலே ஆறுதலான வாழ்க்கை கிடைக்கும். கோவை மனம் 630.      திரை வாழ்க்கை வேறு. உண்மை வாழ்க்கை வேறு என்பதை உணர்.  இரண்டையும் ஒப்பிட்டுப் பார்க்காதே. கோவை மனம் 631.      பேசியவை மட்டுமல்ல பேசாத மௌனங்களும் வலியைத் தரும். கோவை மனம் 632.      நாம் வாழ்கின்ற நாட்களில் நமக்காக வருத்தப்படுவதை விட பிறருக்காக வருத்தப்படுபவனே மக்களால் போற்றப்படுவான். கோவை மனம் 633.      துணைக்கு ஒருவரும் இல்லாதபோது வ...

  கோவை மனம் 601.       ஒருவருடைய குணம், சொல்லில் இல்லை. செயலிலேயே தெரியும். கோவை மனம் 602.       ஆண் பிள்ளை வாரிசு என்றால், பெண் பிள்ளை உனக்குக் கிடைத்த மிகப்பெரிய பரிசு. கோவை மனம் 603.       தன் மனைவியும் – அம்மாவும் சிரித்துப் பேசினால்தான் ஆணின் மகிழ்ச்சி நிலைக்கும். கோவை மனம் 604.       மெட்டி தேய தேயக் குடும்பத்தில் மகிழ்ச்சியும் தேயும். கோவை மனம் 605.       அன்பால் ஏமாந்தவர்கள் ஒருபோதும் அழிந்ததில்லை.   ஆனால், அன்பை வைத்து ஏமாற்றியவர்கள் இறுதி வரை நன்றாக வாழ்ந்ததில்லை. கோவை மனம் 606.       புறம் பேசுபவர்களின் சொற்களைப் புறந்தள்ளிவிட்டு, உன் மனம் சொல்லும் வழியில் முன்னேறு. கோவை மனம் 607.       அடுத்தவரைப் போல் நாம் வாழ வேண்டும் என்று நினைப்பதைவிட, மற்றவர்கள் நம்மைப்போல் வாழ வேண்டும் என வாழ்ந்து காட்டு. கோவை மனம் 608.       தொடக்கத்தில் நல்லவை நரகமாகவும், தீயவை சொ...